6 kwiytnia delegacyjo DURŚ bōła z byzuchym u Consul Honoraire de France à Katowice/ Konsul Honorowa Francji w Katowicach kaj ôsprowiali my ô ôstatnij ksiōnżce Grzegorza Buchalika “Mikołojek“, jak tyż jego nastympnym przekłŏdzie – Asteriks na szpilach ôlimpijskich. Pani Kōnsul była fest rada co klasyki francuskij literatury sōm przekludzane na ślōnskŏ gŏdka. Gŏdali my tyż ô prziszłości jynzyka ślōnskigo i robocie, kero naszo ferajna ônaczy już bez mocka lat.
Piyknie dziynkujymy Pani Kōnsul za zaproszyni, Sebastian Rosiak za idyjo, Ilona Kanclerz za spōmoga we zrychtowaniu trefu, a Krzysztof Szweda za reprezyntowanie forsztandu naszyj ferajny, cuzamyn dōmy ślōnskij gŏdce szwōngu coby bōla barzij uwŏżano.
