XX tref – „Ślōnski jadło a warzyni po naszymu”

Dzisiej  we Halo Rybnik bōł już XX tref z seryje Ślōnski Sztwortek, narychtowany bez Demokratyczno Unijo Regiōnalistōw Ślōnskich, pm: “Ślōnski jodło a warzyni po naszymu”, na kerym szło niy yno posuchać ale tyż pogodać, a przede wszyjskim posmakować ślōnskigo jodła, kere naszykowali Grażyna Jarząbek, razym z kamratkami z KGW Popielōw a Radziejōw. Jodło to dostało I plac we Polsce na kōnkursie we Poznaniu pm. “Perła”.
Chyntnych do kosztowanio było wiela ale i mie tyż udało sie pokosztować.
Jak było coś dlo ciała, dziouchy z KGW Popielōw a Radziejōw piyknie pośpiewały. Na kōniec poôsprawioł znany kuchorz, „Ambasador Tradycji Regionalnej OBERSCHESIER” Piotr Niemiec.

Zdjyńcia i tekst Jôżef Porwoł